‘कर्दळीवन’ या स्थानाला दत्त संप्रदायात महत्त्वाचे स्थान आहे. कर्दळीवन हे दत्तगुरुंचे गुप्त स्थान आणि श्री स्वामी समर्थांचे प्रगटस्थान आहे. अन्य अनेक पौराणिक, धार्मिक, आध्यात्मिक, ऐतिहासिक संदर्भ या स्थानाला आहेत. प्रा. क्षितीज पाटुकले यांनी येथे भेट दिली. तेथील परिसर, तेथील सर्व माहिती त्यांनी घेतली. तेथील अनुभव त्यांनी ‘कर्दळीवन : एक अनुभूती’मधून सांगितले आहेत.
या स्थानाचे महात्म्य, दत्तात्रेयांचे तीन अवतार कर्दळीवनाचा इतिहास, तेथील जैवविविधता, परिक्रमेचा इतिहास, ती कशी करावी, कर्दळीवनाविषयी समज, अपसमज आणि श्रद्धा, अतिथी सेवा, अन्नदान, कलियुगातील दत्त अवतारांचे कार्य आणि दत्त उपासना याविषयी सर्व माहिती यात आहे.
परिशिष्टात दत्तप्रभूंचा दिनक्रम, देशातील आणि नर्मदा परिक्रमेतील प्रमुख दत्तक्षेत्रे, दत्तात्रेयांचे १६ अवतार, दुर्मिळ दत्त मंत्र, यंत्र व स्तोत्रे दिली आहेत. आधुनिक व वैज्ञानिक दृष्टीकोनातून लिहिलेले हे पुस्तक दत्तभक्तांबरोबरच अन्य वाचकांची जिज्ञासा पूर्ण करते.
पुस्तक : कर्दळीवन : एक अनुभूती
लेखक : प्रा. क्षितीज पाटुकले
प्रकाशक : कर्दळीवन सेवा संघ
पाने : १७६
किंमत : ३०० रुपये
(हे पुस्तक ‘बुकगंगा डॉट कॉम’वरून घरपोच मागवण्यासाठी खालील लिंकवर क्लिक करा.)